Ալկոհոլիզմի բուժում

Ալկոհոլային խմիչքները բացասաբար են ազդում մարդու ֆիզիկական և հոգեկան առողջության վրա, չնայած այս հանգամանքին, դրանց սպառողների թվի կրճատման գործընթացը շատ դանդաղ է ընթանում։ Վնասակար սովորույթներ թվարկելիս ամենառաջինը նշում ենք ալկոհոլիզմը, քանի որ այն բավականին մեծ տարածում ունի։ Քրոնիկ ալկոհոլիզմ ձեռք բերելը ժամանակի հարց է ընդամենը, սակայն դրանից ազատվելը մեծ խնդիր։ Ալկոհոլիզմը շատ ցավալի հետևանքներ է ունենում․ մարդը կորցնում է հետաքրքրությունը կյանքի բոլոր ասպեկտների նկատմամբ, բացառությամբ ալկոհոլ օգտագործելու: Արդյունքում նա կործանվում է որպես մարդ, տառապում է բազմաթիվ լուրջ հիվանդություններով, խզում է սոցիալական կապերը և ընկնում դեպրեսիայի մեջ։