Շրջապատի աջակցության կարևորությունը կախվածություններ բուժելիս

Ֆիզիկական առողջության համար վնասակար լինելուց բացի, կախվածությունը առաջացնում է նաև հոգեկան առողջության մի շարք խնդիրներ: Կախվածությունը հիվանդություն է, որն ազդում է ոչ միայն մարմնի, այլ նաև անձի հոգեկանի վրա:

Նարկոլոգիական կլինիկայի և վերականգնողական կենտրոնի դերը կարևոր է թմրամիջոցներից բուժվող յուրաքանչյուր անձի համար, քանզի դրանք օգնում են հաղթահարել ոչ միայն ֆիզիկական դետոքսը, այլ նաև թմրամիջոցներից ուղեկցվող  թաքնված հոգեբանական խնդիրները։

Կախվածության հասկացությունը

Կախվածությունը կամքի ուժի կամ բարոյական թուլության խնդիր չէ։ Դա քրոնիկ հիվանդություն է, որն անձին ստիպում է ձգտել կախվածության զգացում առաջացնող նյութերի՝ առանց հաշվի առնելու դրանց օգտագործման հետ կապված ռիսկերի առկայությունը:

Բացի թմրամիջոցների չարաշահումից, կախվածությունը կարող է լինել նաև վարքային, օրինակ՝ սննդի, ֆիզիկական ակտիվության, խաղերի և այլնի դրսևորմամբ: Կախվածության զարգացումը կամ դրա դրսևորումը հաճախ արտացոլում է գենետիկական, միջավայրային և հոգեբանական գործոնների փոխազդեցությունը:

Բժշկական և վերականգնողական կենտրոնները բարձր ուշադրություն են դարձնում այս գործոններին և դրանց դերին կախվածության զարգացման և մարդու ընդհանուր առողջության մեջ: Մեր կենտրոնը անհատականացնում է բուժման պլանը յուրաքանչյուր մարդու համար, ով գտնվում է վերականգնման ուղու վրա:

Հոգեբանական աջակցություն

Սա աջակցության տեսակ է, որն անձին օգնում է հասկանալ իր կախվածությունը՝ սկսած նշաններից, հիմնական պատճառներից մինչև հետևանքները: Մեր վերականգնողական կենտրոնը, իր թերապևտիկ միջոցառումների միջոցով, նաև օգնում է հիվանդին անել սեփական եզրակացություններ և վերացնել առկա կախվածության էմոցիոնալ և հոգեբանական գործոնները: Կենտրոնի թերապևտիկ միջավայրում հիվանդը հնարավորություն ունի յուրացնել կախվածությունը հաղթահարելու տարբեր մեխանիզմներ, որոնք կօգնեն նրան ավելի հեշտությամբ հաղթահարել թմրամիջոցից զրկվածությունը: Այս մեթոդները կօգնեն մարդուն հաղթահարել սթրեսը, խուսափել այնպիսի իրավիճակներից, որոնք կարող են հանգեցնել հետընթացին և հաղթահարել դրանք:

Ինքնագնահատական և տագնապի զգացողություն

Բուժման գործընթացում հիվանդը կարող է ունենալ այնպիսի զգացումներ, ինչպիսիք են սեփական անձի հանդեպ ատելությունը, մեղքի զգացումը և ամոթը: Այս դեպքում կարող են օգնել անհատական և խմբային թերապիաները։ Հոգեբանական աջակցության և ոչ դատող մթնոլորտում հիվանդն իրեն կզգա ապահով, ինչի շնորհիվ կկարողանա բարելավել ինքնագնահատականը, ինչն էլ վստահություն և հույս է առաջացնում անցկացնել կախվածությունների բուժում և վերականգնել առողջությունը։

Ընտանիք և հարաբերություններ

Բացի այն, որ հիվանդությունը կործանիչ է հենց թմրամոլի համար, այն նաև բացասաբար է անդրադառնում ընտանիքի մնացած անդամների վրա, վատթարացնելով  կամ բարդացնելով հարաբերությունները: Հաճախ ընտանեկան թերապիան դառնում է կախվածություն ունեցող անձի հոգեբանական աջակցության անհրաժեշտ բաղադրիչ:

Այն բարելավում է հաղորդակցությունը ընտանիքի անդամների և հիվանդի միջև, վերականգնում է խզված հարաբերությունները, բարենպաստ միջավայր է ստեղծում հիվանդի համար տանը և, ընդհանուր առմամբ, օգնում է շրջակա միջավայրին հասկանալ, թե ինչ է կախվածությունը և ինչպես օգնել նման իրավիճակում:

Համակցված հոգեկան խանգարումներ

Օգտագործման ընթացքում հոգեակտիվ նյութերը կարող են հիվանդի հոգեկան վիճակի հետ կապված խանգարումներ առաջացնել: Բացի այդ, այս գործընթացը կարող է վատթարանալ և խորացնել արդեն իսկ գոյություն ունեցող հոգեկան խանգարումները: Սա շատ տարածված կարգավիճակ է թմրամիջոցների կախվածություն ունեցող անձանց մոտ, որը նաև հայտնի է որպես երկակի ախտորոշում:

Նարկոլոգիական կլինիկան և վերականգնողական կենտրոններն իրականացնում են զուգահեռ բուժում, որն ուղղված է երկու խանգարումների՝ թմրամոլություն և ուղեկցող հոգեկան խանգարումների կանխմանը։ Այս մոտեցումը չափազանց կարևոր է ոչ ախտորոշված և բուժված հոգեկան խանգարումների դեպքում, քանի որ դրանց նկատմամբ անտարբերությունը կարող է հանգեցնել ռեցիդիվների և, ընդհանուր առմամբ, բարդացնել բուժման գործընթացը:

Եզրափակելով միտքը, կախվածության բուժման գործընթացը ներառում է դեղորայքային թերապիայի, հոգեբանական աջակցության և կենսակերպի որոշ փոփոխություններ: Անձին օգնելու համար հաղթահարել այս խնդիրը, կարևոր է լսել, հասկանալ և աջակցել նրան:

Կարևոր է հասկանալ նաև, որ հոգեբանական աջակցությունն անհրաժեշտ է նույնիսկ ընդհանուր ապաքինումից հետո։ Դա մասնագգիտացված մոտեցում է, որն անհատին թույլ է տալիս պահպանել ձեռք բերված առողջ ապրելակերպը։ Միևնույն ժամանակ անհրաժեշտ է պարբերաբար ունենալ խորհրդատվություններ, այցելել աջակցող խմբեր և թերապիայի սեանսներ: Այս բոլոր գործընթացները վերականգնման գործիքներ են, որոնք օգնում են մարդուն մնալ սթափ և սովորել ապրել առանց թմրամիջոցների օգտագործման և վարքային կախվածության: